ایس ایس پی انویسٹیگیشن رضا تنویر سپرا کی زیر صدارت اجلاس

راولپنڈی۔2ستمبر (اے پی پی):ایس ایس پی انویسٹیگیشن رضا تنویر سپرا کی زیر صدارت پولیس ہیڈکوارٹرز میں اجلاس منعقد ہوا۔ اجلاس میں ڈی ایس پی لیگل، ڈی ایس پی انویسٹیگیشن فور اور ضلع کے ریڈران نے شرکت کی۔ اجلاس میں کارکردگی کا جائزہ لیا گیا اور افسران کو ہدایات دی گئیں۔ ایس ایس پی انویسٹیگیشن نے کہا کہ سنگین نوعیت کے مقدمات کے بروقت چالان مرتب کر کے بھجوائے جائیں اور سینئر افسران ان مقدمات کی خود نگرانی یقینی بنائیں۔

انہوں نے کہا کہ شہریوں کی جان و مال کے تحفظ اور جرائم کی روک تھام کیلئے تمام وسائل استعمال کئے جائیں۔ اس موقع پر بہترین کارکردگی کا مظاہرہ کرنے والے افسران کو تعریفی سرٹیفکیٹس بھی دیئے گئے۔ ان میں انچارج آئی ٹی سب انسپکٹر مظہر قادری، اسسٹنٹ سب انسپکٹر عامر محمود، اسسٹنٹ سب انسپکٹر عابد بشیر اور ہیڈ کانسٹیبل فدا حسین شامل تھے۔