اسلام آباد۔23مئی (اے پی پی):سکیورٹیز اینڈ ایکسچینج کمیشن آف پاکستان (ایس ای سی پی) نے مالی شمولیت کو فروغ دینے کے اپنے عزم کے تحت نان بینک مائیکروفنانس کمپنیوں (این بی ایم ایف سیز) کے لیے ضوابط میں نرمی کی منظوری دے دی ہے جس کے ذریعے وہ حکومت پنجاب کے رہائشی منصوبے "اپنی چھت اپنا گھر” (اے سی اے جی) میں حصہ لے سکیں گی۔ اس سکیم کا مقصد صوبے بھر میں کم آمدنی والے خاندانوں کو سستے گھروں تک رسائی فراہم کرنا ہے۔
نان بینک مائیکروفنانس کمپنیاں پاکستان کے مالی نظام میں اہم کردار ادا کرتی ہیں یہ ان لوگوں کو مالی سہولتیں دیتی ہیں جو عام بینکوں سے فائدہ نہیں اٹھا پاتے خاص طور پر دیہی اور دور دراز علاقوں کے کم آمدنی والے افراد۔ ان کی خدمات میں چھوٹے قرضے، روزگار کے لیے مدد اور اب سستے گھروں کے لیے مالی معاونت شامل ہے جہاں عام مالی ادارے اکثر مدد نہیں کر پاتے۔نان بینک مائیکروفنانس کمپنیوں کو "اپنی چھت اپنا گھر” سکیم میں شامل ہونے کی اجازت دے کر ایس ای سی پی کا مقصد پسماندہ طبقات کی رہائشی ضروریات کو پورا کرنے میں ان اداروں کی رسائی اور موثریت کو بڑھانا ہے۔
یہ ریگولیٹری نرمی نہ صرف ان کمپنیوں کو گھروں کی ملکیت کے لیے موزوں اور آسان مالی سہولتیں فراہم کرنے کے قابل بناتی ہے، بلکہ مالیاتی خدمات تک رسائی کو بڑھا کر ایس ای سی پی کے جامع معاشی ترقی کے وسیع تر مقصد کو بھی تقویت دیتی ہے۔
Short Link: https://urdu.app.com.pk/urdu/?p=600656
 کے لیے ضوابط میں نرمی کی منظوری دے دی){kind=link}