اسلام آباد۔31دسمبر (اے پی پی):پاکستان سکیورٹیز اینڈ ایکسچینج کمیشن (ایس ای سی پی) نے فہرست شدہ کمپنیوں کے کارپوریٹ بریفنگ سیشن (سی بی ایس) کے دوران مجموعی رویے میں بہتری کے ممکنہ شعبوں پر ایک مشاورتی دستاویز جاری کی ہے۔
اس مشق کا مقصد اس بات کو یقینی بنانا ہے کہ فہرست شدہ کمپنیاں ان سیشنز کو درست طریقے سے منعقد کریں تاکہ سرمایہ کاروں اور تحقیقاتی تجزیہ کاروں کو مالی اور عملی معاملات سے متعلق معلومات کی بروقت اور درست اشاعت کا موقع فراہم کیا جا سکے۔
کیپٹل مارکیٹ کے سربراہی نگران کی حیثیت سے، ایس ای سی پی سٹاک مارکیٹ میں زیادہ شفافیت پر پختہ یقین رکھتا ہے۔ سی بی ایس فہرست شدہ کمپنیوں کو اپنی کارروائیوں متعلقہ سٹیک ہولڈرز کے کسی بھی ممکنہ خدشات کو دور کرنے کا ایک منفرد موقع فراہم کرتا ہے۔
یہ تصور کیا گیا ہے کہ سی بی ایس کے انعقاد میں بہتریوں کے ذریعے، بڑھتی ہوئی شفافیت سٹاک مارکیٹ میں سرمایہ کاروں کے اعتماد کو بڑھائے گی جو بدلے میں قیمتوں کی درست نشاندہی میں مددگار ثابت ہو گی۔مشاورتی دستاویز میں بہتری کے ممکنہ شعبوں کا احاطہ کیا گیا ہے جو کہ کیپٹل مارکیٹ میں مروجہ طریقوں کا جامع جائزہ لینے، متعلقہ سٹیک ہولڈرز سے موصول ہونے والے آراء اور بین الاقوامی تحقیق کی بنیاد پر شناخت کیے گئے ہیں۔ بہتری کے وسیع شعبوں جن میں آڈیو۔ویڈیو ریکارڈنگز کی لازمی موجودگی، آن لائن شرکت کے لیے لازمی اختیاری، ریکارڈنگز کے لیے مرکزی ریکارڈ کا قیام، تحریری نقلوں کی دستیابی، پیشگی سوالات بھیجنے کے لیے طریقہ کار، آراء کے سروے، اور سی ای او اور سی ایف او کی لازمی موجودگی کو یقینی بنایا جائے۔دلچسپی رکھنے والے افراد اور سٹیک ہولڈرز اپنی رائے اور تبصرے مشاورتی کاغذ کی اشاعت کے 15 دن کے اندر [email protected] پر بھیج سکتے ہیں۔
