اسلام آباد۔4ستمبر (اے پی پی):سٹیٹ ڈیزاسٹر منیجمنٹ اتھارٹی نے آزاد کشمیر میں یکم جون سے اب تک مون سون بارشوں اور حادثات سے ہونے والے نقصانات کی رپورٹ جاری کردی، 38 افراد جاں بحق اور 31 زخمی ہوئےاس کے علاوہ 15 گاڑیاں اور 170 سکول متاثر ہوئے، مجموعی طور پر 2278 مکان متاثر، 60 دکانیں تباہ اور 238 جانور ہلاک ہوئے۔ایس ڈی ایم اے کی رپورٹ کے مطابق مظفرآباد میں 12افراد جاں بحق، 5 زخمی، 125 سے زائد مکانات متاثر ہوئے۔
جہلم ویلی میں 1 شخص جاں بحق، 21 مکانات مکمل اور 124 جزوی طور پر تباہ ہوئے۔وادی نیلم میں 7 اموات، 180 جانور ہلاک اور 15 انفراسٹرکچر مقامات کو نقصان ہوا۔ضلع باغ میں 3 اموات، 28 مکانات مکمل تباہ اور 109 جزوی متاثر ہوئے۔ پونچھ میں 1 شخص جاں بحق، 102 مکانات مکمل اور 392 جزوی تباہ ہوئے۔سدھنوتی میں 1 شخص جاں بحق، 67 مکانات مکمل تباہ اور 413 جزوی متاثر ہوئے۔حویلی میں 3 اموات، 34 مکانات مکمل تباہ اور 456 جزوی متاثرہوئے۔ کوٹلی میں 2 افراد جاں بحق ہوئے،25 مکانات مکمل تباہ اور 310 جزوی متاثر ہوئے۔
بھمبر میں 1 شخص جاں بحق جبکہ 47 مکانات متاثر ہوئے۔میرپور میں 2 اموات اور 9 مکانات مکمل تباہ ہوئے۔رپورٹ کے مطابق مجموعی طور پر 26 پاور ہاؤسز ،سی اینڈ ڈبلیو سڑکیں 100 کلومیٹر تک متاثر ہوئیں۔ایل جی اینڈ آر ڈی کی 232 کلومیٹر سڑکیں اور 79 پل متاثر ہوئے اس کے علاوہ 124 پینے کے پانی کی سکیمیں متاثر ہوئیں۔رپورٹ کے مطابق دریائے جہلم کا بہاؤ چکوٹھی پوائنٹ پر 14001 کیوسک،دریائے نیلم کا بہاؤ کریم آباد پوائنٹ پر 619 کیوسک اور دریائے پونچھ کا بہاؤ کوٹلی پوائنٹ پر 7219 کیوسک ہے۔آزاد کشمیر میں تمام مرکزی شاہراہیں ہر قسم کی ٹریفک کے لیے کھلی ہیں۔
