ہانگ کانگ ۔ 10 مئی (اے پی پی) ایشین سٹاک مارکیٹس میں حصص کے نرخوں میں اضافہ ہوا جس کی وجہ وال سٹریٹ بزنس میں تیزی اور ین کی شرح تبادلہ میں کمی ہے۔ٹوکیو کا نکی 225 انڈیکس وقفے پر 60.06 پوائنٹ (0.30 فیصد) بڑھ کر 19903.06 پوائنٹ رہا۔ٹاپکس انڈیکس 3.57 پوائنٹ ( 0.23 فیصد) بڑھنے کے بعد 1585.34 پوائنٹ پرآگیا۔ہانگ کانگ کا ہینگ سینگ انڈیکس 119.67 پوائنٹ (0.48 فیصد) اضافے کے ساتھ 25008.70 پوائنٹ پر پہنچ گیا۔چین کا شنگھائی کمپوزٹ انڈیکس 2.36 پوائنٹ (0.08 فیصد) گر کر 3078.17 پوائنٹ اورشینزن کمپوزٹ انڈیکس 0.72 فیصد کمی کے بعد 1846.92 پوائنٹ پر آرہا۔
