ٹوکیو ۔10 فروری (اے پی پی)ایشین مارکیٹس میں خام ربڑ کے نرخوں میں مجموعی طور پرکمی ہوئی جس کی وجہ نکی سٹاک میں مندی اور خام تیل کے نرخوں میں کمی ہے۔ٹوکیوکموڈٹی ایکسچینج میں خام ربڑ کے جولائی کے لیے سودے 3.1 ین کم ہوکر 189.2 ین (1.73 ڈالر) فی کلوگرام طے پائے۔شنگھائی فیوچر ایکسچینج میں خام ربڑ کے مئی کے لیے سودے 15 یوان اضافے کے ساتھ 12450 یوان (1978 ڈالر) فی ٹن پر بند ہوئے۔سنگاپور کموڈٹی ایکسچینج میں خام ربڑ کے مارچ کے لیے سودے 0.9 امریکی سینٹ کمی کے ساتھ 143 سینٹ فی کلوگرام پر بند ہوئے۔
