اسلام آباد۔4جون (اے پی پی):ایف بی آرکے ساتھ رجسٹرڈ ری ٹیلرزکی تعداد23497 تک پہنچ گئی۔ایف بی آرکی جانب سے جاری کردہ اعدادوشمارکے مطابق یکم اپریل سے لیکراب تک مجموعی طورپر23497 ری ٹیلرز کی رجسٹریشن مکمل ہوچکی ہے،
اس میں تاجردوست سکیم کے تحت رجسٹرڈ ری ٹیلرزکی تعداد18931 تک پہنچ چکی ہے جبکہ دیگرسکیموں کے تحت رجسٹرڈہونے والے ری ٹیلرزکی تعداد4566ہے۔کراچی سے اب تک 5599، لاہور7297، اسلام آباد2153، راولپنڈی 3067، پشاور2037 اورکوئٹہ سے رجسٹرڈ ہونے والے تاجروں کی تعداد1317ہے۔
