راولپنڈی۔ یکم فروری (اے پی پی) ایف سی اور حساس ادارے کی ڈیرہ بگٹی کے علاقے پشنی میں دہشت گردوں کی موجودگی کی اطلاع پر کارروائی میں 4 دہشتگرد ہلاک جبکہ 3 کو گرفتار کر لیا،آئی ایس پی آر کی طرف سے جاری بیان کے مطابق فائرنگ کے تبادلے میں ہلاک ہونے والوں کا تعلق کالعدم تنظیم سے تھا،کاروائی کے دوران کالعدم تنظیم کے دہشت گردوں کے زیر استعمال 4 ٹھکانے مسمار, بھاری تعداد میں اسلحہ اور گولہ بارود برآمد کر لیا گیا، قبضے میں لی گئی اشیاءمیں 13 عدد مائینز، 31 عدد آئی ای ڈیز , 80 ہینڈ گرینیڈز, 20 کلوگرام بارود, 20 راکٹ, مختلف ساخت کے ہزاروں راونڈز, مواصلاتی آلات اور دیگر تخریبی مواد شامل ہیں ، ہلاک اور گرفتار دہشت گرد بھتہ خوری, اغوا برائے تاوان, سرکاری املاک کو نقصان پہنچانے اور سیکیورٹی فورسز پر حملوں میں ملوث ہیں۔
