اسلام آباد۔18مارچ (اے پی پی):ایل پی جی کی درآمدات میں جاری مالی سال کے پہلے آٹھ ماہ میں سالانہ بنیادوں پر45فیصد کا اضافہ ہوا ہے۔سٹیٹ بنک کی جانب سے جاری اعدادوشمارکے مطابق جاری مالی سال کے پہلے آٹھ ماہ میں ایل پی جی کی درآمدات پر725ملین ڈالر زرمبادلہ خرچ ہوا جو گزشتہ مالی سال کی اسی مد ت کے 498ملین ڈالرکے مقابلے میں 45فیصد زیادہ ہے۔
فروری میں ایل پی جی کی درآمدات پر83ملین ڈالرزرمبادلہ خرچ ہوا جو گزشتہ سال فروری کے 63ملین ڈالرکے مقابلے میں 31فیصد زیادہ ہے۔ جنوری کے مقابلے میں فروری میں ایل پی جی کی درآمدات میں ماہانہ بنیادوں پر21فیصد کی کمی ہوئی ہے۔ جنوری میں 106ملین ڈالر مالیت کی ایل این جی درآمد کی گئی تھی جو فروری میں کم ہوکر83ملین ڈالر ہوگئی۔
مالی سال کے پہلے آٹھ ماہ میں پٹرولیم مصنوعات کی مجموعی درآمدات کاحجم 10.70ارب ڈالر ریکارڈ کیا گیا جو گزشتہ مالی سال کی اسی مدت کے 10.57ارب ڈالر کے مقابلے میں 1.2فیصد زیادہ ہے۔
Short Link: https://urdu.app.com.pk/urdu/?p=573775
