لاہور۔30مئی (اے پی پی):ڈائریکٹر جنرل ایل ڈی اے طاہر فاروق کی ہدایات پر ایل ڈی اے ٹائون پلاننگ ونگ غیرقانونی کمرشل عمارتوں و کمرشل فیس نادہندگان املاک کے خلاف متحرک ہے۔ ایل ڈی اے ٹیموں نے گزشتہ روزمختلف سکیموں اور ایل ڈی اے کنٹرولڈ ایریا میں آپریشن کرکے 97املاک سربمہرکر دیں۔ترجمان کے مطابق ایل ڈی اے ٹیموں نے گلبرگ، فیصل ٹائون، جوہر ٹائون، شادمان، شاہ جمال،مین یو بی ڈی کینال روڈ، وحدت روڈ اور مصطفی ٹائون سکیم میں آپریشن کیا۔
غیرقانونی کمرشل استعمال، کمرشل فیس کی عدم ادائیگی پرگلبرگ، فیصل ٹائون میں 26املاک، جوہر ٹائون،جی ٹو، جی تھری، جی فور بلاک میں 25املاک،مین یو بی ڈی کینال روڈ،شادمان، شاہ جمال میں 25املاک سربمہرکر دیں۔ ٹیموں نے ریکور ی آپریشن کے دوران وحد ت روڈ،مصطفی ٹائون میں 21املاک سربمہر کر دیں۔سیل کی گئی املاک میں نجی سکول، کلینک، گراسری سٹور، فوڈ پوائنٹ، ورکشاپ، دکانیں، دفاتر ودیگر شامل ہیں۔آپریشن چیف ٹائون پلانرون اسد الزمان اور چیف ٹائون پلانر ٹو اظہر علی کی زیر نگرانی کیا گیا۔
ترجمان نے کہا کہ ڈی جی ایل ڈی اے کی ہدایت پرغیرقانونی کمرشل عمارتوں اور کمرشل فیس نادہندگان املاک کے خلاف بلاامتیاز کارروائیاں جاری رہیں گی۔
