لاہور۔29اپریل (اے پی پی):ڈائریکٹر جنرل طاہر فاروق کی ہدایات پر ایل ڈی اے ٹاون پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ ایل ڈی اے ٹیموں نے گزشتہ روزمختلف سکیموں اور ایل ڈی اے کنٹرولڈ ایریا میں آپریشن کرکے126املاک سربمہرکر دیں۔ٹیموں نے گلبرگ، نیو گارڈن ٹاون، گجرپورہ، سمن آباد، شادمان، شاہ جمال، گلشن راوی، وحدت روڈ، سبزہ زار میں کارروائیاں کیں۔
ٹیموں نے کمرشل فیس کی عدم ادائیگی، غیرقانونی کمرشل استعمال پرگلبرگ، نیو گارڈن ٹاون میں 36،گجرپورہ، سمن آباد، شادمان، شاہ جمال، گلشن راوی میں 58املاک سربمہر کر دی۔ریکوری آپریشن کے دوران وحدت روڈ اور سبزہ زار میں 32املاک سیل کر دی۔سیل کی گئی املاک میں نجی سکول،کلینک، ہسپتال، پراپرٹی آفس، سیلون، ریستوران،کیفے، ورکشاپ، فو ڈ پوائنٹ، دکانیں، دفاتر ودیگر شامل ہیں۔
آپریشن چیف ٹاون پلانرون اسد الزمان کی زیر نگرانی کیا گیا۔
Short Link: https://urdu.app.com.pk/urdu/?p=589788
