پراگ ۔23اگست (اے پی پی):ایمریٹس عربین ہارس گلوبل کپ جمہوریہ چیک کے شہر پراگ میں جمعہ کو شروع ہو گیا۔جمہوریہ چیک کی میزبانی میں نویں ایمریٹس عربین ہارس گلوبل کپ میں یورپی یونین کے رکن ممالک سے بھی عربین گھوڑوں کو لایا گیا ہے ۔
اماراتی نیوز ایجنسی وام کے مطابق یہ کپ شیخ منصور بن زاید النہیان، نائب صدر، نائب وزیر اعظم، صدارتی عدالت کے چیئرمین اور ایمریٹس عربین ہارس سوسائٹی (ای اے ایچ ایس) کے بورڈ آف ڈائریکٹرز کے چیئرمین کی سرپرستی میں اور ای اے ایچ ایس کے بورڈ آف ڈائریکٹرز کے نائب چیئرمین شیخ زاید بن حمد النہیان کی پیروی میں منعقد کیا جا رہا ہے۔
فرانس اور ڈنمارک میں ہونے والے مقابلوں کے بعد یہ یورپ میں ایمریٹس عربین ہارس ورلڈ کپ سیریز کا تیسرا مرحلہ ہے۔ یہ چیمپئن شپ پراگ انٹرکپ -انٹرنیشنل عربین ہارس شو 2024 کے ساتھ ہو رہی ہے۔
جمہوریہ چیک عربین گھوڑوں کے کھیلوں میں ایک سرگرم اور نمایاں کردار ادا کرتا ہے اور ان مقابلوں کو چیک ایسوسی ایشن فار پیور بریڈ عربین ہارسز کے زیر اہتمام منعقد کیا جاتا ہے جو 1993 میں قائم ہوئی تھی۔ اس ایسوسی ایشن میں بہت سے مالکان، بریڈرز اور رجسٹرڈ عربین گھوڑے شامل ہیں۔
