لاہور۔14 اگست(اے پی پی ) ایم ڈی پی سی بی وسیم خان نے کہا کہ ایم سی سی اجلاس میں شرکت مثبت رہی، اجلاس میں اراکین نے اس امید کا اظہار کیا ہے کہ ایم سی سی کرکٹ ٹیم مستقبل قریب میں پاکستا ن کا دورہ کرے گی۔ پاکستان کرکٹ بورڈ کے منیجنگ ڈائریکٹر وسیم خان ایم سی سی کرکٹ کمیٹی کے اجلاس میں شرکت کے بعد وطن واپس پہنچ گئے ہیں۔ ایم سی سی کرکٹ کمیٹی کا2 روزہ اجلاس 11 سے 12 اگست تک لندن میں ہوا جہاں پاکستان میں انٹرنیشنل کرکٹ کی مکمل بحالی پر تبادلہ خیال کیا گیا۔بدھ کے روز نیشنل کرکٹ اکیڈمی میں یوم آزادی کی مناسبت سے منعقدہ تقریب کے موقع پرایم ڈی پی سی بی وسیم خان نے کہا کہ مائیک گیٹنگ کی سربراہی میں منعقدہ اجلاس میں شین وارن اور کمار سنگارا بھی شریک تھے۔
