راولپنڈی۔ 06 مارچ (اے پی پی):ایم ڈی واسا راولپنڈی محمد سلیم اشرف کی زیر صدارت منعقدہ اجلاس میں ایشین ڈویلپمنٹ بینک (اے ڈی بی) کی فنڈنگ کے تحت راولپنڈی کیلئے واٹر سپلائی کے میگا پروجیکٹ کی پیش رفت کا جائزہ لیا گیا۔ اجلاس واسا ہیڈ کوارٹر بلڈنگ میں منعقد ہوا جس میں منصوبے کے کنسلٹنٹس میسرز PMCS، LOT-4 کے کنٹریکٹرز اور سی آئی ٹی کے افسران نے شرکت کی۔
عوامی اہمیت کے اس منصوبے کو مقررہ مدت تین سال کے بجائے دوسال میں مکمل کیا جائے گا۔ یہ بات ایم ڈی واسا محمد سلیم اشرف نے منصوبے کی تفصیلی بریفنگ کے موقع پر کہی۔ میگا ڈریمز پروجیکٹ کے LỌT-4 تحت راول ڈیم سے اضافی 50 لاکھ گیلن یومیہ ، راول لیک فلٹریشن پلانٹ کی بحالی و اپ گریڈیشن ،خان پور ڈیم سے 80 لاکھ گیلن یومیہ پانی کی فراہمی کیلئے دو نئے ہیوی پمپس کی تنصیب کے ساتھ ساتھ خیابان سر سید کی تین یونین کونسلز میں 24/7 پانی کی فراہمی کا منصوبہ بھی شامل ہے۔
اجلاس میں متعلق ایم ڈی واسا نے راول لیک فلٹریشن پلانٹ میں مشینری کی تبدیلی سے ہدایت کی ۔تاکہ راول جھیل پر مشینری کی تبدیلی کا کام جلد شروع کیا جائے۔ سی آئی ٹی مکینیکل اور الیکٹریکل ماہرین فوری طور پر کام شروع کریں اور راول لیک فلٹریشن پلانٹ کی بلڈنگ اور دوسرے سول ورکس کا جائزہ لیا جائے اور راول لیک فلٹریشن پلانٹ کے موجودہ انفراسٹرکچر کی مرمت کے لیے 7 دن کے اندر کام شروع کیا جائے۔
اجلاس میں راول لیک فلٹریشن پلانٹ کی باؤنڈری وال کی مرمت و توسیع کے حوالے سے ایم ڈی واسا راولپنڈی نے ہدایت کی کہ راول لیک فلٹریشن پلانٹ کی باؤنڈری وال میں کی مرمت و توسیع کا کام جلد شروع کیا جائے۔ اس سلسلے میں ایم ڈی واسا 7 مارچ کو دورہ کریں گے۔جبکہ اسلام آباد سے راولپنڈی کی طرف 18 انچ قطر کے کنڈکنس مین کے لیے آئی جے پی روڈ سے پائپ کراسنگ کے کام کا جائزہ لیا گیا ۔
ایم ڈی واسا نے ہدایت کی کہ M/S میٹروکون پائپ جیکنگ کے لیے ضروری انتظامات کرے اور یہ سرگرمی 10 دن کے اندر شروع کر دی جائے۔جبکہ سنگجانی ٹریٹمنٹ پلانٹ کے لیے پمپس سے متعلق ایم ڈی واسا نے ہدایت کی کہ پمپس کی خریداری کا عمل شروع کیا جائے اور ایک ہفتے کے اندر پمپس کی تفصیلات جمع کرائی جائیں۔ پمپس کو معیار کے معیار پر پورا اترنا چاہیے اور مستقبل میں آسانی سے مقامی طور پر قابل مرمت پمپس کو ترجیح دی جائے۔
اجلاس میں خان پور ڈیم سپلائی سے خیابان سرسید کو 24/7 واٹر سپلائی کے منصوبے پر جاری سروے کے کام جائزہ لیا گیا۔ ایم ڈی واسا نے ہدایت کی کہ I-10 اسلام آباد سے خیابان سر سید تک 3.2 کلومیٹر مین کنڈکنس لائن اور پراجیکٹ ایریا میں ڈسٹری بیوشن نیٹ ورک کے لیے سروے کا کام 7 دنوں میں مکمل کیا جائے۔
اجلاس میں ایم ڈی واسا کو بتایا گیا کہ پروجیکٹ تین سال کے عرصے میں مکمل کیا جائے گا۔ جبکہ ایم ڈی واسا نے ہدایت کی کہ اس منصوبے کو ہر لحاظ سے 2026 کے آخر تک مکمل کیا جائے۔ تا کہ منصوبے کے ثمرات کو عوام الناس کو جلد از جلد فائدہ پہنچایا جا سکے۔
