راولپنڈی۔24فروری (اے پی پی):ادارہ برائے انسداد منشیات (اے این ایف )نے تعلیمی اداروں کے گردونواح اور ملک کے مختلف شہروں میں منشیات سمگلنگ کے خلاف جاری کریک ڈاؤن کے دوران 11 کارروائیوں میں 1 نائیجرین باشندے سمیت 15 ملزمان گرفتار کر لیے ۔ اے این ایف ہیڈکوارٹر راولپنڈی سے جاری چوبیس گھنٹوں کی انسداد منشیات کارروائیوں کی تفصیلات کے مطابق 9 کروڑ روپے سے زائد مالیت کی 169.755 کلوگرام منشیات برآمد کی گئیں۔
جتیال، گلگت میں کارروائی کے دوران گاڑی سے 1 کلوگرام چرس برآمد کر کے 2 ملزمان گرفتار کیے گئے ۔ ترجمان نے بتایا کہ گرفتار ملزمان نے تعلیمی اداروں کے طلبہ کو منشیات فروخت کرنے کا اعتراف بھی کیا ہے۔گنگال ایسٹ اسلام آباد کے قریب ملزم کے بیگ سے 12 کلوگرام چرس برآمد کی گئی ۔چاندنی چوک راولپنڈی کے قریب کوریئر آفس میں نیدرلینڈ بھیجے جانے والے پارسل سے 950 گرام آئس برآمد کی گئی ۔ جی ٹی روڈ پر سیالکوٹ کے قریب گاڑی سے 19 کلوگرام آئس برآمد کر کے ایک ملزم گرفتار کیا گیا ۔
سمندری موٹروے انٹرچینج کے قریب گاڑی سے 30 کلوگرام چرس، 14.4 کلو گرام افیون اور 10 کلوگرام آئس برآمد کر کے 3 ملزمان گرفتار کیے گئے ۔فیصل آباد کے علاقے مریدوالا رجانہ میں گاڑی سے 33.6 کلو گرام چرس، 12 کلوگرام افیون اور 10 کلوگرام آئس برآمد کر کے 3 ملزمان گرفتار کیے گئے۔لاہور انٹرنیشنل ایئرپورٹ پر نائیجرین باشندے سے 605 گرام کوکین برآمد کی گئی۔ٹونمی موڑ ڈی جی خان کے قریب گاڑی سے 3 کلوگرام آئس برآمد کر کے 2 ملزمان گرفتار کیے گئے ۔
فتح چوک حیدرآباد کے قریب ملزم سے 12 کلوگرام چرس برآمد کی گئی۔ڈی آئی خان میں ملزم سے 200 گرام چرس برآمد کی گئی۔گوادر کے غیر آباد علاقے میں لاوارث موٹرسائیکل سے 20 ہزار ایکسٹیسی گولیاں اور 600 گرام ویڈ برآمد کی گئی۔ ترجمان نے بتایا کہ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔\932
Short Link: https://urdu.app.com.pk/urdu/?p=565346
