اسلام آباد۔3جنوری (اے پی پی):اے این ایف نے منشیات سمگلنگ کے خلاف 3 کارروائیوں میں 655 کلو سے زائد منشیات برآمد کرکےتین ملزمان کو گرفتار کر لیا۔ترجمان اے این ایف نے بتایا کہ گاہی خان چوک کوئٹہ پر گاڑی سے 640 کلو چرس برآمد کرکے2 ملزمان کو گرفتارکر لیا۔ مورگاہ بارڈر خیبر سے 14 کلو چرس برآمدکی گئی۔
آر سی ڈی روڈ حب پر ملزم سے 760 گرام آئس برآمدکی گئی۔انہوں نے بتایا کہ ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
