راولپنڈی۔30اگست (اے پی پی):اینٹی نارکوٹکس فورس (اے این ایف )نے منشیات سمگلنگ کے خلاف کریک ڈاؤن کے دوران 464 کلو گرام منشیات برآمدکرکے 4 ملزمان کو گرفتارکر لیا۔اے این ایف ترجمان کے مطابق موٹر وے ٹول پلازہ شیخوپورہ کے قریب گاڑی سے 62 کلو 400 گرام چرس اور 3 کلو 600 گرام افیون برآمدکی گئی۔
دوران کارروائی اوکاڑہ کے رہائشی3ملزمان کو گرفتارکیا گیا۔علامہ اقبال انٹرنیشنل ایئرپورٹ پر کارروائی کے دوران کویت بھیجے جانے والے پارسل سے 645 گرام ہیروئن برآمدکی گئی۔قلعہ عبداللہ میں غیر آباد مکان پر چھاپہ مار کارروائی کے دوران 380 کلو آئس اور 158 لیٹر ممنوعہ کیمیکل برآمد کر کے موقع پر ہی تلف کر دیا گیا۔
باچہ خان انٹرنیشنل ایئرپورٹ پر لکی مروت کا رہائشی مسافر کے ٹرالی بیگ سے ایک کلو 667 گرام آئس برآمدکی گئی۔ مُلزم پرواز نمبر ایس وی۔797 کے ذریعے جدہ کے لئے روانہ ہو رہا تھا۔خیبر کے علاقے زخہ خیل میں 2 کارروائیوں کے دوران سمگلنگ کے لیے چھپائی گئی 16 کلو چرس برآمدکر لی گئی۔ترجمان اے این ایف نے بتایا کہ تمام ملزمان کے خلاف انسدادِمنشیات ایکٹ کے تحت مقدمات درج کر کے مزید تحقیقات شروع کر دی گئی ہیں۔
Short Link: https://urdu.app.com.pk/urdu/?p=384160
