میڈرڈ۔29اپریل (اے پی پی):سپینش فٹ بال لیگ لالیگا پوائنٹس ٹیبل پربارسلونا کی ٹیم پہلی پوزیشن پر براجمان ہے ، ریال میڈرڈ کی ٹیم دوسرے جبکہ ایٹلیٹیکو میڈرڈکی ٹیم تیسرے نمبرپر چلی گئی ہے۔ سپینش لیگ لالیگا کے 94 ویں سیزن کے انتہائی دلچسپ اور کانٹے دار مقابلوں کا سلسلہ سپین میں جاری ہے۔ اس ایونٹ کو لالیگا ای اے سپورٹس کے نام سے بھی جانا جاتا ہے ۔ سپینش فٹ بال لیگ لالیگاکا 94 ویں سیزن کا آغاز 15 اگست 2024 کو ہوا اور 25 مئی 2025 کو اختتام پذیر ہوگا۔
ریال میڈرڈ دفاعی چیمپئن ہے، جس نے گزشتہ سیزن میں اپنا 36 واں ٹائٹل جیتا تھا۔ اب تک کھیلے گئے لیگ میچز کے بعد بارسلونا کی ٹیم 33 میچز جیت کر 76 پوائنٹس کے ساتھ ٹیبل پر ٹاپ پوزیشن پر براجمان ہے۔ دفاعی چیمپئن ریال میڈرڈ کی ٹیم بھی اب تک 33 میچز کھیل چکی ہے جن میں اس نے 22 میچز جیتے ہیں اور وہ 72 پوائنٹس کے ساتھ دوسرے نمبر پر موجود ہے ۔ ایٹلیٹیکو میڈرڈ کی ٹیم کی 66پوائنٹس کے ساتھ دوسرے سے تیسرے نمبر پر ہے۔
ایتھلیٹک کلب کی ٹیم بھی 33 میچز کھیل چکی ہے جن میں سے اس کو 16 میچز میں فتح نصیب ہوئی اور وہ 60 پوائنٹس کے ساتھ ٹیبل پر چوتھے نمبر پر ہے۔ ویلریال کی ٹیم 55 پوائنٹس کے ساتھ ٹیبل پر پانچویں نمبر پر ہے ۔
ریال بیٹس کی ٹیم کے 54 پوائنٹس ہیں اور وہ چھٹے نمبر پر ہے ۔ سیلٹا ویگو کی ٹیم ٹیبل پر ساتویں نمبر پر ہے اور اس کے بھی 33 میچز کے بعد 46 پوائنٹس ہیں،اوساسونا کی ٹیم بھی 33 میچز کھیل چکی ہے ، جن میں اس کو 10 میچز میں فتح جبکہ 9 میں شکست ہوئی ہےاس کے 14 میچز ڈرا ہوئے ہیں ،اوساسونا اور میلورکا کی ٹیموں کے 44،44 پوائنٹس مساوی ہیں اور وہ بالترتیب آٹھویں اور نویں نمبر پر موجود ہیں۔
ریال سوسی ڈیڈ کے 42 پوائنٹس ہیں اور وہ ٹیبل پر دسویں نمبر پر ہے۔اسی طرح ریال ویلاڈولڈکی ٹیم نے بھی 33 میچز کھیل لئے ہیں جن میں اس کو صرف 4 میچز میں فتح حاصل ہوئی ہے اور وہ 16 پوائنٹس کے ساتھ سب سے نیچے 20 ویں نمبر پر ہیں۔
Short Link: https://urdu.app.com.pk/urdu/?p=589278
