اسلام آباد۔6مارچ (اے پی پی):بارشوں کے بعد قومی ادارہ صحت اسلام آباد کی جانب سے ڈینگی پھیلنے کا انتباہ جاری کر دیا ۔بارشوں کے بعد ڈینگی وائرس کے پھیلاؤ کا خطرہ بڑھ گیا۔قومی ادارہ صحت کی ایڈوائزری کے مطابق گرم اور مرطوب موسم میں ڈینگی تیزی سے پھیلتا ہے۔
پنجاب، بلوچستان اور شمالی پاکستان میں ڈینگی کیسز بڑھنے کا خدشہ ہے۔قومی ادارہ صحت کی عوام کو احتیاطی تدابیر اپنانے کی ہدایت کی ہے پانی جمع ہونے سے مچھر کی افزائش میں اضافہ، فوری اقدامات ضروری ہیں۔2024 میں پاکستان میں 28,427 ڈینگی کیسز رپورٹ ہوئے۔ شدید کیسز میں پلیٹ لیٹس 10,000 سے کم ہونے پر ہسپتال میں داخلہ ضروری ہے ۔
ڈینگی علامات میں بخار، سر درد، جوڑوں میں درد اور جلد پر نشانات شامل ہیں ۔این آئی ایچ نے اسپتالوں کو ڈینگی تشخیص کے لیے لیبارٹری سہولیات بہتر بنانے کی ہدایت کی۔بخار کے علاج کے لیے صرف پیراسیٹامول استعمال کریں، اسپرین اور NSAIDs سے گریز کریں۔مچھر دانی، ریپیلنٹ اور حفاظتی لباس سے ڈینگی سے بچاؤ ممکن ہے۔این آئی ایچ نے حکومت اور اداروں کو ڈینگی کنٹرول کے لیے فوری اقدامات کی ہدایت کی ہے۔
Short Link: https://urdu.app.com.pk/urdu/?p=569402
