باغبانوں کوجامن کے پودوں کے لئے کھاد کے بروقت استعمال کی ہد ایت

فیصل آباد۔ 23 ستمبر (اے پی پی):باغبانوں و کاشتکاروں کو جامن کے پودوں کیلئے کھاد کا بروقت اور متناسب استعمال یقینی بنانے کی سفارش کی گئی ہے ۔

ڈپٹی ڈائریکٹر زراعت توسیع فیصل آبادعدیل احمدنے کہاکہ کھادوں کے موزوں استعمال سے جامن کے پھل کی اچھی بڑھوتری یقینی ہو جاتی ہے۔ انہوں نے کہاکہ جامن کے چھوٹے پودوں کو گوبر کی20سے30کلوگر ام فی پودا گلی سڑی کھاد جبکہ بڑے پودے کی صورت میں 50سے55کلوگرام فی پودا گوبر کی گلی سڑی کھاد ڈالنا اشد ضروری ہے۔

انہوں نے کہاکہ باغبان و کاشتکار جامن کے چھوٹے پودوں کو ایک پاؤ یوریا ایک پاؤ ڈی اے پی، آدھا کلوگرام ایس او پی جبکہ بڑے پودوں کو 3پاؤ یوریا، 3پاؤ ڈی اے پی، 3پاؤ ایس او پی فی پودا ڈالیں تاکہ جامن کا صحتمند اور معیاری پھل حاصل کرناممکن ہو سکے۔

Short Link: https://urdu.app.com.pk/urdu/?p=504797