راولپنڈی۔21اگست (اے پی پی):پاک فوج کے9 جوان اتوار کو اس وقت شہید ہوگئے جب ان کی گاڑی معمول کی فوجی ڈیوٹی کے دوران حادثے کا شکار ہوگئی اور صبح سویرے باغ ،آزاد جموں و کشمیر (اے جے کے)کے علاقے شجاع آباد میں نالے میں گر گئی۔پ
اک فوج کے شعبہ تعلقات عامہ (آئی ایس پی آر) نے بتایا کہ اس کے علاوہ چار فوجی زخمی ہوئے جنہیں کمبائنڈ ملٹری ہسپتال (سی ایم ایچ) راولپنڈی منتقل کردیا گیا ہے۔ تمام شہدا کی نماز جنازہ منگلا گیریژن میں ادا کر دی گئی۔ نماز جنازہ میں کور کمانڈر راولپنڈی لیفٹیننٹ جنرل ساحر شمشاد مرزا اور فوجی حکام نے شرکت کی۔ شہدا کے جسد خاکی ان کے آبائی شہروں کو روانہ کئےجائیں گے جہاں انہیں پورے فوجی اعزاز کے ساتھ سپرد خاک کیا جائے گا۔
