بالائی اور وسطی پنجاب کے کچھ علاقوں میں بارش کا امکان، محکمہ موسمیات

لاہور۔9اگست (اے پی پی):ترجمان محکمہ موسمیات نے بدھ کے روز موسم کے حوالے سے جاری رپورٹ میں بتایا کہ اگلے 24 گھنٹوں کے دوران پنجاب کے بیشتر اضلاع میں موسم گرم اور مرطوب رہے گا تاہم شام/ رات کے اوقات میں سیالکوٹ، نارووال، جہلم، لاہور، گوجرانوالا، گجرات، راولپنڈی، اٹک، جہلم، چکوال، مری اور گلیات میں تیز ہواوں اور گرج چمک کے ساتھ بارش کا امکان ہے۔

ترجمان کے مطابق گزشتہ 24 گھنٹوں کے دوران سیالکوٹ میں 13، جہلم میں 5 اور گجرات میں 2ملی میٹر بارش پڑی، جبکہ صوبے کے دیگر حصوں میں موسم گرم اور خشک رہا،، لاہور میں زیادہ سے زیادہ درجہ حرارت 37 ڈگری سنٹی گریڈ ریکارڈ کیا گیا جبکہ ہوا میں نمی کا تناسب 53 فیصد رہا۔

Short Link: https://urdu.app.com.pk/urdu/?p=378976