اسلام آباد ۔ 17 مئی (اے پی پی) محکمہ موسمیات کے مطابق اسلام آباد اور راولپنڈی سمیت بالائی پنجاب،مالاکنڈ، ہزارہ ڈویژن فاٹا ، کشمیر اور گلگت بلتستان میں کہیں کہیں تیز ہواﺅں اور گرج چمک کے ساتھ ہلکی بارش جبکہ ملک کے بیشتر علاقوں میں موسم بدستورگرم اور خشک رہنے کا امکان ہے۔ پی ٹی وی کے مطابق گزشتہ 24 گھنٹوں کے دوران اسلام آباد اور راولپنڈی سمیت چکوال ،سیالکوٹ، قصور، سرگودھا ، بالائی خیبرپختونخوا ، کشمیر اور گلگت بلتستان میں کہیں کہیں جبکہ بہاولپور، ژوب، مکران اور لاڑکانہ ڈویژن میں چند مقامات پر تیزہواﺅں اور گرج چمک کیساتھ بارش ہوئی۔
