ریاض۔25دسمبر (اے پی پی):سعودی ولی عہد شہزادہ محمد بن سلمان نے کہا ہے کہ بحرین کے ساتھ ہمارے تعلقات مضبوط،گہرے اور مثالی ہیں۔عرب نیوز کے مطابق ولی عہد شہزادہ محمد بن سلمان نے سعودی، بحرینی رابطہ کونسل کے پہلے آن لائن اجلاس سے خطاب کرتے ہوئے کہا کہ مشترکہ کونسل دونوں ممالک کے درمیان سیاسی، اقتصادی، سلامتی، فوجی، سرمایہ کاری، ترقی اور ثقافت سمیت کئی شعبوں میں تعلقات کو آگے بڑھائے گی ۔ انہوں نے کہا کہ ہمارے بحرین کے ساتھ ہمارے تعلقات مضبوط،گہرے اور مثالی ہیں۔شہزادہ محمد بن سلمان نے کہا کہ دونوں ممالک خطے کو درپیش چیلنجوں کا مقابلہ کرنے، مشترکہ مفادات، سلامتی اور استحکام کے تحفظ کے لیے مل کر کام کررہے ہیں۔ انہوں نے اس اعتماد کا اظہار کرتے ہوئے کہا کہ اس اجلاس کے دوران تنظیمی طریقہ کار کی منظوری دی جائے گی۔ کونسل کی کمیٹیوں کے کام کرنے کی راہ ہموار ہوگی۔شہزادہ محمد بن سلمان نے بحرینی ولی عہد شہزادہ سلمان بن حمد آل خلیفہ اور کونسل کے ممبران کی کوششوں کی تعریف کی اور تعاون پر شکریہ ادا کیا۔
