برازیل ،پولیس کارروائی ، 7 مشتبہ افراد ہلاک

برازیلیا۔30نومبر (اے پی پی):برازیل کی پولیس نے شمال مشرقی ریاست سرگیپے میں ایک کارروائی کے دوران 7مشتبہ افراد کو ہلاک اور 2کو گرفتار کر لیا گیا ہے۔

چینی خبررساں ادارے کے مطابق برازیلین پبلک سیکورٹی کے ترجمان نے میڈیا کو بتایا کہ ریاست سرگیپے میں تقریباً 100 پولیس افسران پر مشتمل ایک ٹیم نے قتل، منشیات کی اسمگلنگ اور دیگر جرائم میں ملوث مجرمانہ گروہ کے خلاف کارروائی کرتے ہوئے23مقامات کی تلاشی کے دوران 7مشتبہ افراد ہلاک اور 2کو گرفتار کر لیا ہے۔

انہوں نے مزید بتایا کہ گرفتار افراد میں سے ایک کو منشیات کی سمگلنگ میں ملوث گروہ کے سرغنہ کے طور پر شناخت کر لیا گیا ہے اور دوسرے شخص سے تفتیش جاری ہے۔

Short Link: https://urdu.app.com.pk/urdu/?p=415218