برسلز،یورپی کمیشن کی صدر کی اردن کے شاہ عبداللہ دوم سے ملاقات،فلسطین کے دوریاستی حل بارے اپنے موقف کا اعادہ کیا

برسلز ۔8نومبر (اے پی پی):یورپین کمیشن کی صدر ارسلا وان ڈیر لین نے کہا ہےکہ انہوں نے اردن کے شاہ عبداللہ سے ملاقات کے دوران غزہ سے فلسطینیوں کو زبردستی بے گھر نہ کرنے اور دو ریاستی حل کے لیے یورپی یونین کی حمایت بارے اپنے موقف کا اعادہ کیا ۔ برطانوی خبررساں ادارے کے مطابق اردن کے شاہ عبداللہ دوم نے بیلجیئم کے دارالحکومت برسلز کا دورہ کیا جہاں ارسلاوان نے ان سے ملاقات کی۔

ارسلاوان نے ایکس کے ذریعے اپنے بیان میں کہا کہ انہوں نے شاہ عبداللہ کے ساتھ مشرق وسطیٰ کی تازہ ترین صورتحال پر تبادلہ خیال کیا اور اس بات پر زور دیا کہ شاہ عبداللہ کا استحکام کو یقینی بنانے میں اہم کردار ہے۔ انہو ں نے فلسطین کے دو ریاستی حل کی حمایت پر اپنے موقف کا اعادہ بھی کیا ۔