کیلیفورنیا۔6مارچ (اے پی پی):انگلینڈ کے نامور ٹینس سٹارکیمرون نوری اے ٹی پی انڈین ویلز اوپن ٹینس ٹورنامنٹ کے مردوں کے سنگلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئے ۔ 29سالہ برطانوی ٹینس سٹار کیمرون نوری نے مینز سنگلز کے پہلے راؤنڈ میں اٹلی کے حریف کھلاڑی لوکا نارڈی کو شکست دے کر دوسرے رائونڈ کے لئے کوالیفائی کیا۔
امریکی ریاست کیلیفورنیا کے انڈین ویلز ٹینس گارڈن میں جاری اے ٹی پی ایونٹ میں سنسنی خیز مقابلے جاری ہیں۔ جمعرات کو کھیلے گئے مردوں کے سنگلز مقابلوں کے ابتدائی رائونڈ میں انگلینڈ کے نامور ٹینس سٹار کیمرون نوری نے انتہائی شاندار کارکردگی کا مظاہرہ کرتے ہوئے اٹلی کے حریف کھلاڑی لوکا نارڈی کو سٹریٹ سیٹس میں 0-6 اور3-6 سے شکست دے کر نہ صرف ایونٹ کا فاتحانہ آغاز کیا بلکہ دوسرے رائونڈ کے لئے بھی کوالیفائی کرلیا، جہاں کیمرون نوری کا مقابلہ جمہوریہ چیک کے ٹینس سٹار جیری لہیکا سے ہوگا۔
Short Link: https://urdu.app.com.pk/urdu/?p=569336
