لاہور۔14جون (اے پی پی):برطانوی ہائی کمشنر کرسٹن ٹرنر نے چیئرمین پاکستان کرکٹ بورڈ رمیز راجہ سے منگل کے روز قذافی اسٹیڈیم میں ملاقات کی۔ملاقات میں انگلینڈ کرکٹ ٹیم کے دورہ پاکستان پر تبادلہ خیال کیا گیا۔
اس موقع پر چیئرمین پی سی بی نے کہا کہ پاکستان بمقابلہ انگلینڈ سیریز کی میزبانی کے لیے پرجوش ہیں،انگلینڈ کرکٹ ٹیم نے رواں سال دو مرتبہ پاکستان کا دورہ کرنا ہے، انگلش شائقین اور کرکٹ ماہرین دونوں ٹیموں کے درمیان سنسنی خیز کرکٹ دیکھنے کیلئے پاکستان آنا چاہتے ہیں۔
برطانوی ہائی کمشنر کرسٹن ٹرنر نے کہاکہ کرکٹ ہمارے خون میں شامل ہے یہ کھیل دونوں ممالک کو جوڑتا ہے،ہم دونوں ممالک کے درمیان 75 سالہ دوستی کا بھی جشن منارہے ہیں۔
