واگوڈوگو ۔20دسمبر (اے پی پی):مغربی افریقی ملک برکینا فاسو میں 4 فرانسیسی شہریوں کو جاسوسی کے الزام میں گرفتار کر لیا گیا ۔
اے ایف پی نے فرانس کے سفارتی ذرائع کے حوالے سے منگل کو بتایا کہ برکینا فاسو میں چار فرانسیسی شہریوں کو اس دعوے پر گرفتار کیا گیا ہے کہ وہ غیر ملکی انٹیلی جنس ایجنٹس ہیں۔جن کے پاس سفارتی پاسپورٹ اور ویزے ہیں، کو برکینا فاسو کی پولیس نے یکم دسمبر کو اوگاڈوگو میں گرفتار کیا تھا۔سفارتی ذرائع نے مزید کہا کہ یہ چار تکنیکی ماہرین برکینا فاسو میں فرانس کے سفارت خانے کے لیے کمپیوٹر کی بحالی کا کام کرنے کے لیے تھے۔
فرانسیسی حکومت جاری قانونی کارروائی کا نوٹس لیتی ہے، لیکن ان الزامات کو مسترد کرتی ہے کہ ان تکنیکی ماہرین کو ان کے کمپیوٹر کی دیکھ بھال کے کام کے علاوہ دیگر وجوہات کی بنا پر برکینا فاسو بھیجا گیا تھا۔ ذرائع نے کہا کہ فرانس ان کی بلا تاخیر فرانس واپسی کا مطالبہ کرتا ہے اور ان کی رہائی کے لیے سب کچھ کیا جا رہا ہے۔
