کوئٹہ۔ 16 مارچ (اے پی پی):بلوچستان سے سینٹ کی 11 خالی نشستوں کے لئے کل 36 امیدواروں نے کاغذات نامزدگی جمع کروائے ہیں ۔
ترجمان الیکشن کمیشن بلوچستان کے مطابق کاغذات نامزدگی جمع کرانے والوں میں سابق نگران وزیراعظم انوارالحق کاکڑ، عوامی نیشنل پارٹی کے ایمل ولی خان، سابق نگران صوبائی وزیر امان اللہ کنرانی، سابق سینیٹرز کہدا بابر اور نصیب اللہ بازئی شامل ہیں
جبکہ سابق وفاقی وزیر اور جمعیت علماء اسلام کے صوبائی امیر مولانا عبدالواسع،پیپلز پارٹی کے رہنماء سردار عمر گورگیج، نیشنل پارٹی کے مرکزی سیکرٹری جنرل جان بلیدی، چنگیز جمالی، رکن بلوچستان اسمبلی راحیلہ درانی سمیت مولانا عبد الحق ہاشمی، سعیدالحسن مندوخیل اور دیگر امیدواروں نے سینیٹ کے کاغذات نامزدگی جمع کرا دئیے ہیں۔
