لاہور۔1مئی (اے پی پی):بنگلہ دیش انڈر 19 کے خلاف شاہ زیب خان کی شاندار سنچری، پہلی اننگز میں 215 رنز کی برتری دلا دی۔شاہ زیب خان کی شاندار سنچری نے پاکستان کو بنگلہ دیش انڈر 19 کے خلاف پہلی اننگز میں 215 رنز کی برتری دلا دی۔پیر کو چٹگرام کے ظہور احمد چودہری اسٹیڈیم میں کھیلے جانے والے واحد چار روزہ میچ کے دوسرے روزپاکستان نے شاہ زیب خان (39 ناٹ آؤٹ) اور اذان اویس (36 ناٹ آؤٹ) کے ساتھ بغیر کسی نقصان کے 76 کے اوور نائٹ اسکور پر اپنی پہلی اننگز کا دوبارہ آغاز کیا تو اوپننگ جوڑی ٹوٹل میں 18 رنز کا اضافہ کر سکی جب اذان 104 گیندوں پر 40 رنز بنا کر آؤٹ ہو گئے۔
شاہ زیب خان اور بائیں ہاتھ کے بلے باز شمائل حسین نے دوسری وکٹ کے لیے 78 رنز جوڑے۔ شمائل حسین نے 58 گیندوں پر 5 چوکوں اور دو چھکوں کی مدد سے 38 رنز بنائے۔ کپتان سعد بیگ صرف دو اور وہاج ریاض 24 رنز بنا کر آؤٹ ہو گئے اور اس موقع پر پاکستان انڈر 19 ٹیم نے چار وکٹوں پر 207 رنز بنائے تھے۔شاہ زیب خان اور عبید شاہد کی جوڑی نے پانچویں وکٹ کے لیے 131 رنز کا اضافہ کیا۔ شراکت داری کے دوران بائیں ہاتھ سے کھیلنے والے شاہ زیب خان نے 67ویں اوور میں اپنی سنچری مکمل کی،
جو 200 گیندوں پر مکمل ہوئی اور اس میں 18 چوکے اور ایک چھکا شامل تھا۔شاہزیب خان 323 گیندوں کا سامنا کرتے ہوئے 25 چوکوں اور چار چھکوں کی مدد سے 174 رنز بنا کر آوٹ ہوئے۔کھیل کے اختتام پر پاکستان نے 116 اوورز میں سات وکٹوں پر 364 رنز بنائے تھے۔ دائیں ہاتھ کے عبید شاہد نے 140 گیندوں پر 62 رنز بنا کر ناقابل شکست رہے۔
