بنگلہ دیش میں عالمی تجارتی نمائش میں شرکت کے لئے درخواستیں 31مئی تک طلب

اسلام آباد۔21مئی (اے پی پی):ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ بنگلہ دیش میں30جون سے ہونے والی بین الاقوامی تجارتی نمائش ’’ سیکٹورل ڈیلی گیشن ٹو بنگلہ دیش‘‘ میں شرکت کے لئے31مئی تک درخواستیں جمع کرائی جاسکتی ہیں ۔

ٹی ڈی اے پی کے مطابق نمائش بنگلہ دیش میں 30 جون سے17 جولائی تک جاری رہے گی جس میں معدنیات ، تعمیرات ، کیمیکل ، آٹو پارٹس ، آئی ٹی اور زرعی مشینری سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔

Short Link: https://urdu.app.com.pk/urdu/?p=599606