بنگلہ دیش میں منعقدہ بین الاقوامی تجارتی نمائش میں شرکت کے لئے درخواستیں 4 اپریل تک طلب

اسلام آباد۔20مارچ (اے پی پی):ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ بنگلہ دیش میں منعقد ہونے والی بین الاقوامی تجارتی نمائش ’’ٹریڈ ڈیلی گیشن آف سیسمی سیڈ ایکسپورٹرز‘‘ میں شرکت کے لئے 4 اپریل تک درخواستیں جمع کروائی جا سکتی ہیں ۔

ٹی ڈی اے پی کی جانب سے جاری تفصیلات کے مطابق نمائش بنگلہ دیش میں 23جون سے 26 جون تک جاری رہے گی جس میں تل اور اس کی مصنوعات سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔نمائش کے حوالے سے مزید تفصیلات اتھارٹی کی ویب سائٹ سے حاصل کی جا سکتی ہیں۔

Short Link: https://urdu.app.com.pk/urdu/?p=574614