بنگلہ دیش میں منعقدہ بین الاقوامی تجارتی نمائش کے لیے درخواستیں 10اپریل تک طلب

اسلام آباد۔7اپریل (اے پی پی):ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ بنگلہ دیش میں منعقد ہونے والی بین الاقوامی تجارتی نمائش ’’اٹھارویں بنگلہ دیش ڈینم ایکسپو ‘‘ میں شرکت کے لئے درخواستیں10اپریل تک درخواستیں جمع کروائی جا سکتی ہیں ۔

ٹی ڈی اے پی کی جانب سے جاری تفصیلات کے مطابق نمائش ڈھاکہ میں 12مئی سے 13 مئی تک جاری رہے گی جس میں ڈینم گارمنٹس ، ڈینم فیبرکس ، ڈینم گارمنٹس مشینری ، اسیسریز اور سپلائیز سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔نمائش کے حوالے سے مزید تفصیلات اتھارٹی کی ویب سائٹ سے حاصل کی جا سکتی ہیں۔

Short Link: https://urdu.app.com.pk/urdu/?p=579081