بھارتی کرکٹ ٹیم رواں ماہ سری لنکا کا دورہ کرے گی

نئی دہلی ۔ 15 جولائی (اے پی پی) بھارتی کرکٹ ٹیم رواں ماہ سری لنکا کا دورہ کرے گی جہاں وہ تین ٹیسٹ، پانچ ون ڈے اور واحد ٹی 20 میچ کھیلے گی۔ بھارت اور سری لنکا کے درمیان پہلا ٹیسٹ 26 سے 30 جولائی تک گال میں کھیلا جائے گا۔ دوسرا ٹیسٹ 3 سے 7 اگست تک کولمبو جبکہ تیسرا اور آخری ٹیسٹ 12 سے 16 اگست تک پالے کیلی میں کھیلا جائے گا۔ دونوں ٹیموں کے درمیان ون ڈے سیریز کا پہلا میچ 20 اگست، دوسرا 24 اگست، تیسرا 27 اگست، چوتھا 31 اگست جبکہ پانچواں اور آخری ون ڈے 3 ستمبر کو کھیلا جائے گا۔ دورہ میں شامل واحد ٹی 20 انٹرنیشنل 6 ستمبر کو کولمبو میں کھیلا جائے گا۔

Short Link: https://urdu.app.com.pk/urdu/?p=62440