نئی دہلی۔14مارچ (اے پی پی):بھارت میں سکھبیر سندھو اور گنیش کمار کو الیکشن کمشنر تنعیات کر دیا گیا ہے۔
بھارتی میڈیا کے مطابق لوک سبھا میں کانگریس کے لیڈر ادھیر رنجن چودھری نے میڈیا کو بتایا کہ بیوروکریٹس سکھبیر سنگھ سندھو اور گنیش کمار کو الیکشن کمیشن آف انڈیا کے اعلیٰ پینل میں دو خالی عہدوں کے لیے چنا گیا ہے۔
واضح رہے کہ ادھیر رنجن چودھری اس پینل کا حصہ تھے جس کی صدارت وزیر اعظم نریندر مودی نے کی تھی تاکہ چیف الیکشن کمشنر راجیو کمار کی مدد کے لیے دو الیکشن کمشنروں کا انتخاب کیا جائے کیونکہ پولنگ باڈی آئندہ لوک سبھا انتخابات کی تیاری کر رہی ہے۔
