گوہاٹی ۔ 08 مارچ (اے پی پی) بھارت اور انگلینڈ کی ویمن ٹیموں کے درمیان تین ٹی ٹونٹی انٹرنیشنل کرکٹ میچوں پر مشتمل سیریز کا تیسرا اور آخری میچ (کل) ہفتہ کو گوہاٹی میں کھیلا جائے گا۔ انگلینڈ کی ویمن ٹیم کو میزبان بھارت کے خلاف تین میچوں کی سیریز میں 2-0 کی فیصلہ کن برتری حاصل ہے۔ انگلینڈ کی ٹیم نے پہلے ٹی ٹونٹی میچ میں بھارت کو 41 رنز سے شکست دی تھی جبکہ دوسرے میچ میں مہمان ویمن ٹیم نے بھارتی ویمن ٹیم کو 5 وکٹوں سے شکست دیکر تین میچوں کی سیریز میں 2-0 کی فیصلہ کن برتری حاصل کرلی ہے۔ واضح رہے کہ دونوں ٹیموں کے درمیان تین میچوں کی سیریز کا تیسرا اور آخری ٹی ٹونٹی میچ (کل) ہفتہ کو گوہاٹی میں کھیلا جائے گا۔
