نئی دہلی ۔ یکم نومبر (اے پی پی) بھارت اور بنگلہ دیش کی کرکٹ ٹیموں کے درمیان تین ٹی ٹونٹی انٹرنیشنل میچوں پر مشتمل سیریز کا پہلا میچ اتوار کو نئی دہلی میں کھیلا جائے گا۔ ویرات کوہلی آرام کی غرض سے ٹی ٹونٹی سیریز میں شرکت نہیں کرینگے انکی جگہ بھارتی ٹیم کی قیادت روہت شرما کرینگے۔ بنگلہ دیشی ٹیم قیادت محمود اللہ کی قیادت میں میدان میں اترے گی۔ دونوں ٹیموں کے درمیان تین میچوں کی سیریز کا دوسرا میچ 7 نومبر کو راجکوٹ میں کھیلا جائے گا جبکہ تیسرا اور آخری میچ 10 نومبر کو ناگپور میں کھیلا جائے گا۔
