سرینگر ۔ 19 اپریل (اے پی پی) مقبوضہ کشمیر میں کل جماعتی حریت کانفرنس کے چیئرمین سید علی گیلانی نے کہا ہے کہ بھارت نے مقبوضہ علاقے میں تعلیمی اداروں کو بھی میدان جنگ میں تبدیل کر دیا ہے اور کشمیری طلباءو طالبات کو نہ صرف بدترین ریاستی دہشت گردی کا نشانہ بنایاجا رہا ہے بلکہ انکے تعلیمی مستقبل کو بھی تاریک کیا جا رہا ہے۔ کشمیر میڈیا سروس کے مطابق سید علی گیلانی نے سرینگر میںجاری ایک بیان میں مقبوضہ وادی کے بعد جموں خطے کے علاقے بانہال میں طلباءو طالبات پر بھارتی پولیس کے تشددد کی شدید مذمت کرتے ہوئے کہا کہ جبر و استبداد پر مبنی پالیسی کے انتہائی خطرناک نتائج نکلیں گے۔ سیدعلی گیلانی نے سرینگر کی زخمی طالبہ اقراءصدیق کی اسپتال میں تشویشناک حالت پرفکرمندی کا اظہار کیا اور کہا کہ عینی شاہدین کے مطابق اقرا پر بھارتی پولیس کے بنکرکے اندر سے پتھر پھینکا گیا ہے جس کے نتیجے میں وہ شدید زخمی ہوگئی ۔ ا
