24.2 C
Islamabad
اتوار, اگست 31, 2025
ہومتازہ ترینبھارت کے خلاف شاندار فتح کی یاد میں ’’معرکہ حق ‘‘یادگار کی...

بھارت کے خلاف شاندار فتح کی یاد میں ’’معرکہ حق ‘‘یادگار کی تعمیر کا آغاز

- Advertisement -

اسلام آباد۔31اگست (اے پی پی):بھارتی جارحیت کیخلاف شاندار فتح کی یاد میں اسلام آباد کے سیکٹر H-8 میں قومی یادگار "معرکہ حق” کی تعمیر کا آغاز کر دیا گیا ، یادگار زیر استعمال پارک میں تعمیر کی جا رہی ہے جسے ایک جدید اور پرکشش عوامی مقام میں تبدیل کیا جائے گا۔ ذرائع کے مطابق یادگار کا تھیم قرآن پاک کی آیت "بنیان المرصوص” سے لیا گیا ہے، آیت کا مفہوم ’’ سیسہ پلائی ہوئی دیوار‘‘ ہے،

یہ تھیم قوم کے اجتماعی غیر متزلزل عزم اور اتحاد کی علامت ہے جو ہر طرح کے خطرات کے مقابل متحد رہنے کے جذبے کو اجاگر کرتی ہے۔قومی یادگار کے ڈیزائن اور تعمیر کیلئے فرنٹیئر ورکس آرگنائزیشن (ایف ڈبلیو او ) کو ذمہ داری سونپی گئی ہے جبکہ کیپیٹل ڈویلپمنٹ اتھارٹی (سی ڈی اے) نے یادگار کے لیے مختص کردہ جگہ ایف ڈبلیو او کے حوالہ کر دی ہے۔

- Advertisement -

وزیراعظم شہباز شریف کی خصوصی ہدایت اورحکومتی مالی معاونت سے منصوبے پر کام شروع کردیا گیا ہے،وزیراعظم نے 13/ 14 اگست کی درمیانی شب ڈیزائن کی نقاب کشائی کی جس کے بعد منصوبے پر عمل درآمد تیزی سےجاری ہے۔ ذرائع کے مطابق یادگار کی تعمیر میں عالمی معیار کے مٹیریل اور اعلیٰ بین الاقوامی تعمیراتی معیارات کو مدنظر رکھا جا رہا ہے،

یادگار کا مقصد قومی اتحاد و یکجہتی کو خراجِ تحسین پیش کرنا اور عوامی شعور، فخر اور عکاسی کا مرکز بنانا ہے۔’’معرکہ حق‘‘ یادگار ملک کے فخر اور اجتماعی قربانیوں کی نمائندہ ہوگی اور اسلام آباد کے منظر نامے میں باوقار قومی اضافہ اور قوم کے اتحاد کا مظہر بنے گی۔

- Advertisement -
متعلقہ خبریں
- Advertisment -

مقبول خبریں