ناسائو ۔ 12 ستمبر (اے پی پی) بہاماس میں سمندری طوفان ڈوریان کے آنے کے گیارہ روز بعد بھی تقریباً 2500 افراد لاپتہ ہیں۔ بہاماس حکومت کے مطابق ان لاپتہ افراد کی فہرست کا موازنہ اب ان افراد کی فہرست سے کیا جائے گا جنہیں ہنگامی حالات میں محفوظ مقامات پر منتقل کیا گیا تھا۔ یکم ستمبر کو ڈوریان سمندری طوفان کی تین سو کلومیٹر فی گھنٹہ کی رفتار سے چلنے والی ہواؤں نے وہاں تباہی مچا کر رکھ دی تھی۔ کیریبین ریاستوں کے شمال میں واقع بہاماس میں ابھی تک پچاس افراد کی ہلاکت کی تصدیق ہو چکی ہے۔
