بیت المقدس اور حرم شریف کی مقدس اور تاریخی حیثیت کی حفاظت کرنا تمام اسلامی ممالک کےلئے اہمیت کا حامل ہے، ترک صدر

انقرہ ۔ 4 دسمبر (اے پی پی) ترک صدر رجب طیب اردوان اور فلسطین کے صدر محمود عباس کے درمیان ہونے والی بات چیت میں مقبوضہ بیت المقدس کے مستقبل سمیت فلسطین کی حالیہ صورتحال کے بارے میں تبادلہ خیال کیا گیا۔ ترک ذرائع ابلاغ کے مطابق دونوں صدور کے درمیان ہونے والی ٹیلی فونک گفتگو میں صدر اردوان نے مشرق وسطی میں پائیدار امن کے قیام کےلئے 1967 کی سرحدوں کے اندر آزاد اور خود مختار فلسطینی حکومت کے قیام جس کا دارالحکومت مقبوضہ بیت المقدس ہوگا کی ضرورت پر زور دیا۔ انہوں نے کہا کہ بیت المقدس اور حرم شریف کی مقدس اور تاریخی حیثیت کی حفاظت کرنا تمام اسلامی ممالک کےلئے اہمیت کا حامل ہے اور اس حساس موضوع پر بین الاقوامی قوانین اور اقوام متحدہ کے فیصلوں کی خلاف ورزی نہیں کی جانی چاہیے۔ا

Short Link: https://urdu.app.com.pk/urdu/?p=79828