بیجنگ نمائش نے پاک چین دوستی کی اصل تصویر پیش کی

اسلام آباد۔10مارچ (اے پی پی):بیجنگ کے دائوئٹائی سٹیٹ گیسٹ ہاؤس میں پاک چین دوستی کی 70ویں سالگرہ کی مناسبت سے یادگاری نمائش کا انعقاد کیا گیا۔

اس کا انعقاد چینی وزارت خارجہ کے زیر اہتمام کیا گیا تھا اور اس میں 21 مئی1951ء سے شروع ہونے والےپاک چین دوطرفہ اسٹریٹجک دوستی کے مختلف ادوار،سی پیک توانائی اور انفراسٹریکچر پراجیکٹس،پورٹ بلڈنگ پراجیکٹس اور پاکستان کے خوبصورت سیاحتی مقامات پر مبنی 46 تصاویر نمائش کے لئے پیش کی گئی تھیں۔

چین کے ریاستی قونصلر اور وزیر خارجہ وانگ یی اورچین میں تعینات پاکستان کے سفیر معین الحق سمیت دیگر عہدیداروں نے اس نمائش کا دورہ کیا۔