اسلام آباد۔26اکتوبر (اے پی پی):بیلجیئم، لکسمبرگ اور یورپی یونین میں پاکستان کے سفیرظہیر اے جنجوعہ نے کہا ہے کہ بھارتی حکومت نے اپنے غیر انسانی کریک ڈان، فوجی محاصرے سے کشمیریوں کو انکے بنیادی انسانی حقوق اور بنیادی آزادیوں سے محروم رکھا ہوا ہے،عالمی برادری اپنا کردار ادا کرتے ہوئے بھارت پر دبا ڈالے کہ وہ فوری طور پر ماورائے عدالت قتل بند کرے، فوجی محاصرہ ختم کرے، 5 اگست 2019 کے غیر قانونی اور یکطرفہ اقدامات کو واپس لے، اقوام متحدہ کی سلامتی کونسل کی قراردادوں کی تعمیل کرے۔ ان خیالات کا اظہار انہوں نے یوم سیاہ کے موقع پر اپنے پیغام میں کیا ۔
انہوں نے کہاکہ آج کے دن 74 سال قبل بھارتی سیکورٹی فورسز جموں و کشمیر کی سرزمین پر غیر قانونی طور پر قبضہ کرنے اور کشمیریوں کو محکوم بنانے کے لیے سری نگر میں اتری تھیں۔ انہوں نے کہاکہ اس کے بعد سے، بھارتی حکومت نے اپنے غیر انسانی کریک ڈان، فوجی محاصرے سے کشمیریوں کو ان کے بنیادی انسانی حقوق اور بنیادی آزادیوں سے محروم رکھا ہوا ہے۔
انہوں نے کہاکہ 5 اگست 2019 کو بھارتی حکومت نے بین الاقوامی قوانین، اقوام متحدہ کی سلامتی کونسل کی قراردادوں اور پاک بھارت دوطرفہ معاہدوں کی سراسر خلاف ورزی کرتے ہوئے غیر قانونی طور پر مقبوضہ جموں و کشمیر کی خصوصی حیثیت کو منسوخ کر دیا۔انہوں نے 900,000 سے زیادہ ہندوستانی سیکورٹی فورسز کی تعیناتی کے ساتھ، مقبوضہ جموں و کشمیر کو دنیا کے سب سے زیادہ ملٹریائزڈ زون اور سب سے بڑی اوپن ایئر جیل میں تبدیل کر دیا گیا ہے۔
انہوں نے کہا کہ کرفیو، انٹرنیٹ اور میڈیا بلیک آٹ کے نفاذ سے 80 لاکھ بے گناہ کشمیریوں کے شہری حقوق اور بنیادی آزادیوں کو سلب کر دیا گیا ہے۔ان کا کہنا تھاہک بھارت نے متنازعہ علاقے کے آبادیاتی ڈھانچے کو تبدیل کرنے کے لیے نئے ڈومیسائل قوانین سمیت دیگر اقدامات بھی متعارف کرائے ہیں۔
یہ قانون سازی اقوام متحدہ کی سلامتی کونسل کی متعلقہ قراردادوں اور چوتھے جنیوا کنونشن کے منافی ہے۔مقبوضہ جموں و کشمیر میں بھارتی مظالم کی مثال نہیں ملتی۔انہوں نے کہاکہ یہ ماورائے عدالت قتل، عصمت دری، تشدد، من مانی گرفتاریاں، پیلٹ گن کے اندھا دھند استعمال اور اجتماعی سزاں کو ریاستی پالیسی کے ایک آلہ کے طور پر استعمال کر رہا ہے۔
یہ خلاف ورزیاں عالمی میڈیا، انسانی حقوق کی تنظیموں اور دنیا بھر کی پارلیمانوں کی رپورٹس میں بار بار سامنے آتی رہی ہیں۔اقوام متحدہ کے ہائی کمشنر برائے انسانی حقوق کے دفتر نے بھارت کی بلا روک ٹوک خلاف ورزیوں کو وسیع پیمانے پر دستاویزی شکل دی ہے اور جون 2018 اور جولائی 2019 میں جاری کردہ دو الگ الگ رپورٹوں میں ایک آزاد کمیشن آف انکوائری کی سفارش کی ہے۔ انٹرنیشنل ہیومن رائٹس واچ نے اپنی 2021 کی رپورٹ میں بھی ان مظالم کی نشاندہی کی ہے۔
بدقسمتی سے، ہندوستان بین الاقوامی میڈیا، انسانی حقوق کی تنظیموں، بشمول اقوام متحدہ کے ہائی کمشنر برائے انسانی حقوق اور خصوصی مینڈیٹ ہولڈرز کی رسائی سے مسلسل انکار کرتا رہا ہے۔انہوں نے کہاکہ جولائی 2021 میں یوروپی پارلیمنٹ کے نائب صدر ڈاکٹر فابیو ماسیمو کاسٹالڈو نے یورپی پارلیمنٹ کے 15 ارکان کے مشترکہ دستخطوں سے یورپی کمیشن کے صدر اور اعلی نمائندے کو ایک خط بھیجا ہے جس می مقبوضہ جموں و کشمیر میں خطرناک انسانی حقوق سے نمٹنے کے لیے فوری کارروائی کا مطالبہ کیا گیا۔
نائب صدر کاسٹالڈو نے بھی جون 2020 میں بھی یوروپی پارلیمنٹ کے 14 ممبران کا مشترکہ دستخط شدہ ایک ایسا ہی خط لکھا تھا۔ستمبر 2019 میں، یورپی پارلیمنٹ نے مقبوضہ جموں و کشمیر کی صورتحال پر کھلی بحث کی۔ ایم ای پیز کی بڑی تعداد نے بھارتی اقدامات اور انسانی حقوق کی بگڑتی ہوئی صورتحال کی مذمت کی اور بھارت سے فوجی محاصرہ ختم کرنے کا مطالبہ کیا۔
انہوں نے کہاکہ یورپی پارلیمنٹ کی ذیلی کمیٹی برائے انسانی حقوق کی سربراہ، ایم ای پی ماریا ایرینا نے بھی بھارتی وزیر داخلہ کو ایک خط لکھا جس میں گزشتہ سال بھارت میں انسانی حقوق کی صورتحال پر شدید تشویش کا اظہار کیا گیا۔اس صورتحال کے پیش نظر عالمی برادری اپنا کردار ادا کرتے ہوئے بھارت پر دبا ڈالے کہ وہ فوری طور پر ماورائے عدالت قتل بند کرے،
فوجی محاصرہ ختم کرے، 5 اگست 2019 کے غیر قانونی اور یکطرفہ اقدامات کو واپس لے، اقوام متحدہ کی سلامتی کونسل کی قراردادوں کی تعمیل کرے، بین الاقوامی انسانی حقوق اور انسانی حقوق کی تنظیموں، مبصرین اور بین الاقوامی میڈیا کو مقبوضہ علاقے تک رسائی کی اجازت دیتا ہے۔
انہوں نے کہا کہ مقبوضہ جموں و کشمیر میں بھارتی مظالم کو بے نقاب کرنے کے لیے معصوم کشمیریوں کی آواز بنیں اور ایک مضبوط بین الاقوامی ردعمل کا اظہار کریں۔
