پیرس۔10جولائی (اے پی پی):بیلجیئم کے سائیکل سوارریمکو ایونپول نے ٹور ڈی فرانس سائیکل ریس کا پانچواں مرحلہ جیت لیا۔ فرانس کے شمالی حصے کے ایک شہر للی سے ٹورڈی فرانس سائیکل ریس کے 112 ویں ایڈیشن کا آغاز ہوچکا ہے۔ جس میں دنیا بھر کی سائیکلنگ کی 23ٹیموں کے نامور سائیکل سوار ٹائٹل کے حصول کے لئے کوشاں ہیں۔
ٹور ڈی فرانس سائیکل ریس کے پانچویں مرحلے میں سائیکل سواروں نے فرانس میں کین سے کین تک کا 33 کلو میٹر فاصلہ طے کرنا تھاجو کہ انفرادی ٹائم ٹرائلز رائونڈ تھا ۔25سالہ بیلجیئم کے سائیکل سوارریمکو ایونپول نے عمدہ سائیکلنگ کا مظاہرہ کرتے ہوئے 33 کلومیٹر کا فاصلہ 36منٹ اور 42 سیکنڈز میں طے کرکے پہلی پوزیشن حاصل کی۔
سلووینیاکے سائیکل سواراور ایونٹ کے دفاعی چیمپئن تڈیج پوگاآر نے پانچویں رائونڈ میں دوسری پوزیشن حاصل کی جبکہ اٹلی کے سائیکلسٹ ایڈورڈو ایفینی نے تیسری پوزیشن حاصل کی۔سلووینیاکے سائیکل سواراور ایونٹ کے دفاعی چیمپئن تڈیج پوگاآر نے نیدرلینڈز کے سائیکل سوار میتھیو وین ڈیر پوئل جنہوں نے ریس کا دوسرا مرحلہ جیتنے کے ساتھ بیلجیئم کے سائیکلسٹ جیسپر فلپسن سے یلو جرسی بھی چھین لی تھی سے یلو جرسی حاصل کرلی ہے ۔
ٹور ڈی فرانس سائیکل ریس 21 مرحلوں پر محیط ہوگی جس میں سائیکل سوار 3338.8کلو میٹر کا سفر طے کریں گے ۔ ٹور ڈی فرانس سائیکل ریس میں 232 ٹیمیں ٹائٹل کے حصول کے لئے ایکشن میں ہیں ۔ ٹور ڈی فرانس سائیکل ریس 24 روز جاری رہنے کے بعد 27 جولائی کو اختتام پذیر ہوگی۔ ٹور ڈی فرانس سائیکل ریس میں ٹیم یواے ای ایمرٹس ایکس آر جی کے 26 سالہ سلوسینیا کے سائیکلسٹ تڈیج پوگاآر اپنے اعزاز کا دفاع کے لئے کوشاں ہیں ۔ ٹور ڈی فرانس سائیکل ریس کا پہلا ایڈیشن پہلی مرتبہ 1903میں ہوا جو فرانسیسی سائیکل سوار مورس فرانسس گارین نے جیتا تھا۔
