لندن۔5نومبر (اے پی پی):بینک آف انگلینڈ نے 1989 کے بعد پہلی مرتبہ شرح سود میں سب سے بڑے اضافے کا اعلان کیا ہے ۔بینک آف انگلینڈ(بی او ای )نے شرح سود میں 3 فیصد اضافے کا اعلان کرتے ہوئے کہا کہ انہوں نے یہ اقدام آسمان سے تیزی سے بڑھتی ہوئی مہنگائی کا مقابلہ کرنے کے لیے اٹھایا ہے جو برطانیہ کو 2024 کے وسط تک کساد بازاری کی طرف دھکیل رہی ہے۔ ذرائع ابلاغ کے مطابق بی او ای نے کہا کہ وہ قرض لینے کی لاگت کو 0.75 فیصد بیسس پوائنٹس سے بڑھا کر 3 فیصد کر رہا ہے ، 2008 کے عالمی مالیاتی بحران کے بعد کی بلند ترین سطح ہے۔
بی او ای کے گورنر اینڈریو بیلی نے ایک پریس کانفرنس میں بتایا کہ وہ برطانیہ میں افراط زر کی شرح کو قریب چار دہائیوں کی بلند ترین سطح 11 فیصد تک دیکھ رہا ہے ۔یہ آگے ایک مشکل راستہ ہے۔روس کے یوکرین پر حملے کی وجہ سے توانائی کی قیمتوں میں تیزی سے اضافے نے اس وقت ہمیں غریب تر قوم بنا دیا ہے۔ انہوں نے خبردار کیا کہ اقتصادی سرگرمیوں کی سطح ہموار اور کچھ وقت کے لیے گرنے کا امکان ہے،تازہ ترین شرح میں اضافہ مرکزی بینکوں کی جانب سے دنیا بھر میں خوراک کی قیمتوں اور توانائی کے بلوں میں اضافے کے ساتھ ہی شرح میں سختی کی عکاسی کرتا ہے۔
مرکزی بینک نے کہا کہ برطانوی افراط زر کی شرح اس سال 10.9فیصد تک پہنچ جائے گی ، لیکن سطح اتنی بلند ہونے کے ساتھ، تجزیہ کاروں کا کہنا ہے کہ آنے والے مہینوں میں مرکزی بینک کی شرح سود 5 فیصد تک پہنچ سکتی ہے۔بی او ای نے کہا کہ برطانوی معیشت تیسری سہ ماہی سے سکڑ گئی ہے، ایک تکنیکی کساد بازاری میں داخل ہو رہی ہے جس کی پیش گوئی 2024 کے پہلے نصف تک جاری رہے گی۔دریں اثناء دیرپا کساد بازاری کی توقعات پر برطانوی پاؤنڈ جمعہ کو فاریکس مارکیٹ ڈالر کے مقابلے میں 2 فیصد تک گر گیا۔
Short Link: https://urdu.app.com.pk/urdu/?p=335964
