بین الاقوامی تجارتی نمائش ٹریڈ ڈیلیگیشن ٹو بنگلہ دیش میں شرکت کے لئے درخواستیں 15 فروری تک جمع کرائی جا سکتی ہیں،ٹی ڈی اے پی

اسلام آباد۔14فروری (اے پی پی):ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ بنگلہ دیش میں منعقد ہونے والی بین الاقوامی تجارتی نمائش ’’ٹریڈ ڈیلیگیشن ٹو بنگلہ دیش‘‘ میں شرکت کے لئے درخواستیں کل (15فروری )تک جمع کرائی جاسکتی ہیں ۔

ٹی ڈی اے پی کے مطابق نمائش کا انعقاد اپریل میں کیا جائے گا جس میں ہیلتھ پراڈکٹس ، انجینئرنگ پراڈکٹس اور معدنیات سے وابستہ مقامی افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔