انقرہ ۔1اپریل (اے پی پی):ترکیہ کے صدر رجب طیب اردوان نےبلدیاتی انتخابات میں اپنی شکست تسلیم کر لی ۔اردو نیوز کے مطابق رجب طیب اردوان نے کہا کہ دو دہائیوں سے اقتدار میں رہنے کے بعد ان کی پارٹی کے لیے ووٹ ایک ٹرننگ پوائنٹ تھا۔ملک بھر سے سامنے آنے والے جزوی نتائج میں ریپبلکن پیپلز پارٹی (سی ایچ پی) کورجب طیب اردوان کی جسٹس اینڈ ڈویلپمنٹ پارٹی پر واضح برتری حاصل ہے۔
استنبول کے میئر اور اپوزیشن کے اہم رہنما اکرم امام اوغلو نے اپنی فتح کا دعویٰ کرتے ہوئے کہا کہ کل ہمارے ملک کے لیے بہار کا نیا دن ہے۔ترکیہ کے انتخابی کمیشن کی جانب سے آج (پیر کو )حتمی نتائج جاری کیے جانے کا امکان ہے۔
