انقرہ ۔24اکتوبر (اے پی پی):ترکیہ میں انسانی اعضا کی سمگلنگ کے الزام میں ایک اسرائیلی کو گرفتارکرلیا گیا۔العربیہ کے مطابق ترک حکام نے انسانی اعضا کی سمگلنگ کا الزام لگنے کے بعد ترکیہ میں تقریباً 7 سال سے مقیم اسرائیلی شہری کو حراست میں لینے کا حکم دیا۔
یہ ایک پرانا الزام ہے جس کا اسرائیلی شہری بورس وولفمین کو اس سے قبل 2015 میں بھی سامنا کرنا پڑا تھا تاہم 2016 میں ثبوت میں کمی کی وجہ سے اسے رہا کر دیا گیا تھا۔ٹی آر ٹی کے اس حوالے سے اسرائیلی شہریکےبارے میں ایک طویل رپورٹ شائع کرنے کے بعد ایک تعجب خیز انکشاف کیا اور کہا کہ وہ ممکنہ طور پر انسانی اعضا کی سمگلنگ کے لیے ایک بین الاقوامی نیٹ ورک کا رکن ہے اور اس نے قانونی آڑ میں شامی پناہ گزینوں کے اعضا خردینے کے لیے ان کا استحصال کیا ہے۔
ترکیہ جو صحت کی سیاحت اور زرعی مصنوعات کی تجارت کو فروغ دیتا ہے میں اس نے پناہ گزینوں کے اعضا کی سمگلنگ کے لیے کئی کمپنیاں قائم کیں۔اسرائیلی وولف مین اس سے قبل جاری کیے گئے ریڈ وارنٹ کے مطابق ترک حکام کو مطلوب تھا۔ اس پر شامی پناہ گزینوں کے اعضا کم از کم چھ دیگر افراد کے ساتھ آذربائیجان، سری لنکا اور کوسوو جیسے کئی ممالک میں سمگل کرنے کا الزام تھا۔ جہاں وہ اس نیٹ ورک کا حصہ ہے جو غریب لوگوں کے اعضاء خرید کر انہیں فروخت کرتا تھا۔ یہ اعضا اسرائیل، بھارت اور یورپی ملکوں کے امیر لوگوں کو فروخت کیے جاتے تھے۔
