اسلام آباد۔24ستمبر (اے پی پی):وزیراعظم کے مشیر برائے تجارت عبدالرازاق داؤد نے کہا ہے کہ میں نیشنل لاجسٹکس سیل ترکی اور آزر بائیجان کیلئے ٹی آئی آر آپریشنز شروع کررہا ہے جس پر اسے مبارکباد پیش کرتا ہوں۔
جمعہ کوایک بیان میں مشیر تجارت نے کہا کہ ٹرک کے ذریعے روابط کو فروغ دینے کیلئے ایک نئے دور کا آغاز ہے، جو کہ وزارت تجارت کی سلک روٹ ری کنکٹ پالیسی کے تحت ہے انہوں نے کہا کہ بہت سے نجی کمپنیاں ٹی آئی آر کی اجازت کیلئے رابطہ کررہی ہیں جنہیں حکومت کی تعاون کی یقین دہانی کرائی ہے،
انہوں نے کہا کہ اس اہم قدم سے سرمایہ کاری کو ترغیب اور لاجسٹکس کمپنیوں کیلئے مواقع میسر ہوں گے جبکہ پاکستان کے راستے عالمی تجارتی ٹریفک کا بہاؤ بھی ہوگا ۔
